Toshkent shahrining qoq markazida joylashgan Shayxontohur tumanidagi «Kattabog‘», «Yangiobod», «Zangiota», «Shofayzi», «Mannon Uyg‘ur», «Ko‘kcha ko‘cha», «Kattahovuz», «Katta oqtepa» mahallalarining 30ga yaqin ichki yo‘llari abgor holatdaligi ma'lum qilingan.
Bundan tashqari, tumandagi 193-sonli umumiy o‘rta ta'lim maktabi hamda 71, 111-maktabgacha ta'lim muassasalari trotuarlari nosozligi ta'kidlangan.
Mazkur muammolar yuzasidan mahalla fuqarolari yig‘inlari raislari tomonidan mahalliy hokimiyat vakillariga har yili bir nechta takliflar berilganiga qaramay bugungi kunga qadar yuqorida qayd etilgan muammolar o‘z yechimini topmagan.
«Yuqoridagilardan kelib chiqib, «Adolat» SDP fraksiyasi a'zosi Ulug‘bek Samatov Shayxontohur tuman hokimi v.v.b Rustam Mavlonovga tumanda yashovchi fuqarolarga qulayliklar yaratish maqsadida tuman hokimligi tomonidan joriy yilda mahallalar kesimida yuqorida keltirilgan yo‘llarini ta'mirlanishi hamda amalga oshirilishi rejalashtirilayotgan chora-tadbirlar haqida axborot berish yuzasidan 24 aprel kuni deputatlik so‘rovi yubordi.
Ushbu so‘rovga atroflicha va o‘z vaqtida beriladigan javobni kutib qolamiz va uni ham partiya rasmiy saytida e'lon qilinishini ma'lum qilamiz
Eslatib o‘tish joizki, «Parlament nazorati to‘g‘risida»gi O‘zbekiston Respublikasi Qonunining 15-moddasiga asosan, mazkur so‘rovga 10 kunlik muddat ichida javob berilishi lozim», deyiladi partiya matbuot xizmati xabarida.
