«Siz davlat himoyasidasiz». Farg‘ona viloyat IIB tomonidan muruvvat uyi tarbiyalanuvchilariga sovg‘alar ulashildi

Joriy yilning 31 may kuni Farg‘ona viloyati ichki ishlar boshqarmasi migratsiya va fuqarolikni rasmiylashtirish boshqarmasi tomonidan 1 iyun – Xalqaro bolalarni himoya qilish kuni munosabati bilan tadbir uyushtirildi.

Shu munosabat bilan boshqarma boshlig‘i A.Mehmonov va bir qancha xodimlar Farg‘ona shahrida joylashgan muruvvat uyiga borishdi. U yerda qiziqarli tadbirlar o‘tkazildi.

Mayor A.Mehmonov O‘zbekistondagi har bir bola davlat himoyasida ekani, ularning huquq va erkinliklari qonunlar bilan kafolatlangani va ularning ijtimoiy ta'minot masalasi doimo hukumat diqqatida ekanini aytdi.