O‘zboshimchalik bilan qurilgan imoratlarni aniqlash sohasidagi vakolatli davlat organlari soni yana bittaga ortadi

Normativ-huquqiy hujjatlar loyihalari muhokamasi portalida Vazirlar Mahkamasining “O‘zboshimchalik bilan qurilgan imoratni aniqlash hamda bartaraf etish (buzib tashlash)ni tashkil etish tartibi to‘g‘risida nizomga o‘zgartirish va qo‘shimchalar kiritish haqida”gi qarori loyihasi e'lon qilindi.

Vazirlar Mahkamasining 2017 yil 5 iyuldagi 467-son qarori bilan tasdiqlangan O‘zboshimchalik bilan qurilgan imoratni aniqlash hamda bartaraf etish (buzib tashlash)ni tashkil etish tartibi to‘g‘risida nizomda:

3-bandning (O‘zboshimchalik bilan qurilgan imoratni aniqlash) uchinchi xatboshidagi “davlat arxitektura-qurilishi nazorati hududiy inspeksiyasining” so‘zlari “qurilish sohasida hududiy nazorat inspeksiyasining” so‘zlari bilan almashtirilishi mumkin;

4-bandda (Quyidagilar o‘zboshimchalik bilan qurilgan imoratlarni aniqlash hamda ularni bartaraf etish (buzib tashlash)ni tashkil etish sohasidagi vakolatli davlat organlari hisoblanadi):

to‘rtinchi xatboshidagi “Davlat arxitektura va qurilish qo‘mitasi” so‘zlari “Qurilish vazirligi” so‘zlari bilan almashtiriladi;

Quyidagi mazmundagi yettinchi xatboshi qo‘shiladi:

“O‘zbekiston Respublikasi Uy-joy kommunal xizmat ko‘rsatish vazirligi va uning hududiy organlari”;

yettinchi xatboshi sakkizinchi xatboshi deb hisoblanadi.