Albanlarga Fransiyaga qarshi o‘yindan avval boshqa davlat madhiyasini qo‘yishdi. Ular o‘ynashdan bosh tortishdi

2020 yilgi Yevropa chempionati uchun saralash bosqichi doirasidagi Fransiya – Albaniya uchrashuvi tashkilotchilari mehmonlar jamoasi uchun madhiya tanlashda adashib ketishdi.

O‘yin arafasida albanlar madhiyasi o‘rniga Andorra madhiyasi yangragan. Bu holat albaniyalik muxlislar tomonidan hushtakbozliklar bilan qarshi olingan.

Albaniyalik futbolchilar esa madhiyaning to‘g‘ri varianti qo‘yilmagunicha o‘yinni boshlashdan bosh tortishgan. Keyin stadion suxandoni xatolik uchun uzr so‘ragan, ammo albaniyaliklardan emas, armanistonliklardan.

Natijada, Parijdagi «Sen-Deni» stadionidagi o‘yin biroz kechroq boshlangan.

It’s OK now. pic.twitter.com/ChN0kWlqaa

— 6 TIMES (@kloppoynwa) September 7, 2019

Uchrashuv maydon egalarining 4:1 hisobidagi g‘alabasi bilan yakunlandi. Fransiya terma jamoasi saralashning H guruhida 5 turdan keyin 12 ochko jamg‘argan holda birinchi o‘rinda bormoqda, albanlar 6 ochko bilan to‘rtinchi o‘rinda joylashgan.