Mo‘ynoqda quyosh elektrostansiyasi quriladi 

Mo‘ynoq tumanida quyosh elektrostansiyasi quriladi. Bu haqda normativ-huquqiy hujjatlar loyihalari muhokamasi portalida e'lon qilingan “Mo‘ynoq tumani sanoatini yanada rivojlantirish chora tadbirlari to‘g‘risida”gi hujjat loyihasida aytilgan.

Hujjatga ko‘ra, Mo‘ynoq tumanida rivojlanib borayotgan baliqchilik, chorvachilik, oziq-ovqat va sanoatning boshqa sohalarini yanada rivojlantirishga, ushbu yo‘nalishlarda yangi loyihalarni amalga oshirilishiga alohida e'tibor qaratiladi.

Qoraqalpog‘iston Respublikasi Mo‘ynoq tumanida:

2019-2021 yillarda sanoat sohasida loyihalarni amalga oshirish bo‘yicha manzilli chora-tadbirlar;

2019-2021 yillarda amalga oshiriladigan istiqbolli sanoat loyihalari ro‘yxati tasdiqlanadi.

Qoraqalpog‘iston Respublikasi Mo‘ynoq tumanida 2019-2022 yillarda amalga oshiriladigan istiqbolli sanoat loyihalari ro‘yxatida quyosh elektrostansiyasini qurishni tashkil etish ham bor. 

Qayd etilishicha, yiliga o‘rtacha 300 kun quyoshli bo‘lishini inobatga olib, zamonaviy quyosh fotoelektr stansiyasini qurish imkoniyati mavjud. 

Loyiha qiymati (mln.doll.) - 5,0. Amalga oshirish muddati - 2021 yil, yaratiladigan ish o‘rni - 40.

O‘zbekiston Respublikasi Investitsiyalar va tashqi savdo vazirligi:

dasturga kiritilgan investitsiya loyihalarini tasdiqlangan tarmoq jadvallariga muvofiq belgilangan muddatlarda amalga oshirilishi yuzasidan tizimli monitoring o‘rnatsin hamda vazirlik, idora va xo‘jalik birlashmalari, tijorat banklari, mahalliy ijro hokimiyati organlari faoliyatini muvofiqlashtiradi;

dastur doirasida investitsiya loyihalarini amalga oshirishda yuzaga kelayotgan kamchiliklar va muammolarni o‘z vaqtida aniqlab, ularni hal etish yuzasidan tezkor choralar ko‘radi;

istiqbolli loyihalarni amalga oshirish uchun xorijiy investorlarni jalb qilish yuzasidan zaruriy choralar ko‘radi;

loyiha tashabbuskorlarining asoslangan takliflari asosida zarur hollarda Dasturga tegishli o‘zgartirishlar va qo‘shimchalar kiritish vakolati beriladi.

Qoraqalpog‘iston Respublikasi Vazirlar Kengashi, O‘zbekiston Savdo-sanoat palatasi, tijorat banklari bilan birgalikda loyihalarni o‘z muddatlarida amalga oshirilishini tashkil etish maqsadida tashabbuskorlarga biznes reja tayyorlashda, kredit mablag‘larini ajratilishida hamda zarur hujjatlarni tayyorlashda amaliy yordam ko‘rsatadi.

O‘zbekiston Respublikasi Qurilish vazirligining Qoraqalpog‘iston Respublikasi Mo‘ynoq tumani, Mo‘ynoq shahar posyolkasining 2040 yilgacha bo‘lgan muddatga rivojlanishi bo‘yicha bosh rejasini ishlab chiqilganligi va tasdiqlanganligi hamda bosh rejaga asosan Mo‘ynoq shahrida sanoat loyihalarini joylashtirish uchun sanoat zonasi tashkil etilgan (5,5 ga maydon).

Qoraqalpog‘iston Respublikasi Vazirlar Kengashi, Mo‘ynoq tuman hokimligi sanoat loyihalarini joylashtirish uchun barcha zaruriy infratuzilmaga ega sanoat zonalariga:

dasturga kiritilgan investitsiya loyihalarini;

hudud ixtisosligidan kelib chiqqan holda amalga oshiriladigan loyihalarni;

eksportga yo‘naltirilgan, import o‘rnini bosuvchi va mahalliylashtirish dasturiga mos iste'mol tovarlari ishlab chiqarishga qaratilgan investitsiya loyihalarini joylashtirish ta'minlanadi.