NYT: O‘zbekiston shamol va quyosh elektr stansiyalarini qurishga milliardlab investitsiya jalb qilyapti

Maqolada yozilishicha, yakshanba kunidan boshlab Nyu-Yorkda siyosatchilar, diplomatlar va boshqa ko‘plab taniqli shaxslar Iqlim haftaligiga, BMT Bosh assambleyasi va boshqa tadbirlarga, shu jumladan iqlimga bag‘ishlagan global tadbirga yig‘iladi.

BMT homiyligida bo‘lib o‘tadigan yillik iqlim yig‘ilishi – COR'ga ham bir necha oy qoldi. Har yili muzokaralar tobora dolzarblik kasb etmoqda. Bu yilgi COR muzokaralari Birlashgan Arab Amirliklarida bo‘lib o‘tmoqda.

"O‘zbekiston rivojlanayotgan davlat bo‘lib, Iqlim haftaligi va COR'da ko‘rsatiladigan ko‘plab muammolarga duch kelmoqda", – deyilgan nashrda

Qayd etilishicha, O‘zbekiston shamol va quyosh elektr stansiyalarini qurish uchun milliardlab investitsiyalarni jalb qilmoqda.

"O‘zbekiston poytaxti Toshkentda men bilan suhbatlashgan hukumat vakillari qayta tiklanadigan energiya manbalariga o‘tish asosiy maqsad ekanini bildirdi. Bu borada BAAning yirik "Masdar" kompaniyasi O‘zbekistonda bir necha yirik investitsiyaviy loyihalarni amalga oshirmoqda", – deya qo‘shimcha qiladi muallif.

Maqolada: "Biz hamma narsani tezroq va arzonroq qilishni xohlaymiz", – deya O‘zbekiston energetika vaziri Jo‘rabek Mirzamahmudov so‘zlaridan iqtibos keltirilgan.

Qayd etilishicha, "Masdar" O‘zbekistonda qayta tiklanadigan energiya manbalariga yana ko‘proq investitsiya kiritish va yangi loyihalar ustida ishlamoqda.