O‘rta Chirchiqdagi xonadonda yong‘in sodir bo‘ldi

2019 yilning 4 oktabr kuni soat 00:13da Toshkent viloyati, O‘rta Chirchiq tumani, Bektemir MFY, Shodlik ko‘chasi 11-uyda yong‘in sodir bo‘layotganligi haqida yong‘in-qutqaruv xizmatiga xabar kelib tushgan.

O‘zbekiston Respublikasi FVV YoXBB OAV bilan hamkorlik qilish bo‘linmasi ma'lumotida aytilishicha, xabar asosida voqea joyiga to‘rtta yong‘in o‘chirish bo‘linmalari jalb etilgan. Birinchi bo‘linmalar chaqirilgan manzilga 14 daqiqada (eng yaqin yong‘in-qutqaruv qismigacha masofa 22 km) yetib borgan. 

Yong‘in soat 00:47da o‘rab olinib, soat 01:15da bartaraf etilgan. Yong‘in oqibatida yashash uyining 70 kv. metr maydonda tomi, shifti va ichki jihozlari yonib zararlangan. 

Tan jarohati olganlar va halok bo‘lganlar qayd etilmagan. Yong‘indan uyning 120 kv. metr maydoni saqlab qolingan. Yong‘in sababi va moddiy zarar miqdori aniqlanmoqda.