Foto: FVV matbuot xizmati
Bugun, 6 dekabr kuni, «Qamchiq» dovonida qor yog‘ishni boshladi. FVV shu munosabat bilan ogohlantirish berdi.
O‘zbekiston Respublikasi Gidrometeorologiya xizmati tomonidan berilgan ma'lumotlarga ko‘ra, bugun A-373 «Toshkent-O‘sh» avtomobil yo‘lining «Qamchiq» dovoni qismida vaqti-vaqti bilan qor yog‘ishi, tuman tushishi, shamol tezligi sekundiga 5-10 metrgacha kuchayishi kutilmoqda.
«Shu munosabat bilan, yo‘l transport hodisalari bilan bog‘liq favqulodda vaziyatlarning oldini olish maqsadida, dovon hududida harakatlanishdan oldin xavfsizlik qoidalariga e'tibor qaratishingizni so‘raymiz», - deyiladi FVV ma'lumotida.
