Manjukich Qatar klubiga o‘tdi

«Yuventus» hujumchisi Mario Manjukich Qatarning «Ad-Duhail» klubiga o‘tdi.

33 yoshli xorvatiyalikning shartnomasi bandlari e'lon qilinmadi. U Doxa shahrida tibbiy ko‘rikdan o‘tib, yangi klubi bilan mehnat bitimini rasmiylashtirdi.

Manjukich 2015 yildan beri «Yuventus» sharafini himoya qilib kelayotgan edi. Mauritsio Sarri bosh murabbiy bo‘lgach, futbolchi asosiy tarkibdagi o‘rnidan ajraldi. Bu mavsumda Mario «Yuventus» tarkibida birorta o‘yinda maydonga tushmadi.

Manjukich faoliyati davomida «Atletiko», «Bavariya», «Volfsburg» va «Dinamo Zagreb» klublarida ham o‘ynagan.