Eldor Shomurodov uylandi

O‘zbekiston milliy jamoasi hamda «Rostov» klubi hujumchisi Eldor Shomurodov uylandi. Uning to‘yi bo‘lishi haqida «Rostov» murabbiyi Valeriy Karpin «Match Premer» telekanalidagi chiqishida aytgandi.

Bugun, 28 dekabr kuni Toshkentda Eldorning to‘yi bo‘lmoqda. «Rostov» klubi hujumchining to‘yidan rasm va video e'lon qildi. Kun.uz ijodkorlari Eldor va Aminaga baxt tilaydi.

Rossiya chempionatining birinchi qismidan so‘ng 10 ta gol bilan to‘purarlar poygasida ikkinchi bo‘lib turgun Shomurodovga ayni damda ko‘plab Yevropa klublari qiziqish bildirmoqda. Tribuna.uz muxbiri bilan suhbatda Shomurodov mavsumni aniq «Rostov»da yakunlashini aytgandi.

Oldinroq Eldor Shomurodov O‘zbekistonda 2019 yilning eng yaxshi futbolchisi deb topilgandi. Futbolchi bu mukofotga faoliyatida ilk marta sazovor bo‘ldi.