Turkiya Liviyadagi muammolar uchun Fransiya javobgar ekanligini bildirdi

Turkiya Liviyadagi vaziyat beqarorlashganligida Fransiyani javobgar deb hisoblaydi. Bu haqda Turkiya tashqi ishlar vazirligi rasmiy vakili Hami Oqso‘y ma'lum qildi.

"Liviyada 2011 yilgi inqirozdan keyin boshlangan barcha muammolar uchun javobgarlik Fransiya zimmasida", - dedi u.

U shuningdek, Parij "Liviyadagi tabiiy resurslar ustidan nazorat evaziga Xalifa Haftarga beg‘araz yordam" ko‘rsatayotganligini ta'kidladi.

Avvalroq Fransiya prezidenti Emmanyuel Makron Rajab Toyyib Erdo‘g‘anni Liviyaga suriyalik yollanma jangchilarni yuborganlikda ayblagandi.