Foto: Barselona
«Barselona» «Palmeyras» yarimhimoyachisi Mateus Fernandesni sotib olganini e'lon qildi.
Kataloniya klubi 21 yoshli braziliyalik futbolchi uchun 7 mln yevro to‘laydi, bu qiymat bonuslar hisobiga 10 mlnga yetishi mumkin.
Fernandes bilan 5 yillik shartnoma imzolandi. Tovon puli esa 300 mln yevro etib belgilandi. Futbolchi yangi jamoasiga 2020 yil 1 iyuldan qo‘shiladi.
Yarimhimoyachi 2019 yilgi mavsumda Braziliya chempionatida 11ta o‘yin o‘tkazib, 1ta gol urgan.
