Yo‘l qurilishi sohasida «Maxsus yo‘l diagnostika markazi» tuziladi

Vazirlar Mahkamasining “O‘zbekiston Respublikasi Transport vazirligi huzuridagi Yo‘l-qurilish ishlari sifatini nazorat qilish inspeksiyasi faoliyati samaradorligini oshirish to‘g‘risida”gi qarori loyihasi e'lon qilindi.

Transport vazirligi huzuridagi Yo‘l-qurilish ishlari sifatini nazorat qilish inspeksiyasining tuzilmasi;

Transport vazirligi huzuridagi Yo‘l-qurilish ishlari sifatini nazorat qilish inspeksiyasi to‘g‘risida Nizom tasdiqlanadi.

Transport vazirligi huzuridagi Yo‘l-qurilish ishlari sifatini nazorat qilish inspeksiyasi tarkibida Davlat aktivlarini boshqarish agentligi ta'sischiligida “Maxsus yo‘l diagnostika markazi” mas'uliyati cheklangan jamiyati tuzishga ruxsat beriladi.

Jamiyatning asosiy vazifalari etib quyidagilar belgilanadi:

qurilishi tugallangan yo‘l obektlarini foydalanishga qabul qilishda sifat ko‘rsatkichlarini aniqlash bo‘yicha diagnostika ishlarini amalga oshirish;

avtomobil yo‘llaridagi sun'iy inshootlarni diagnostika qilish;

avtomobil yo‘l qurilishi obektlari uchun ishlab chiqilgan loyiha va boshqa hujjatlarini muqobil ekspertizadan o‘tkazish;

qonunchilikda taqiqlanmagan boshqa faoliyat turlari.

“O‘zyo‘linspeksiya” jamiyatning moddiy-texnika bazasini mustahkamlash hamda ustav kapitalini shakllantirish uchun maxsus uskuna va anjomlarni jamiyatga berilishini ta'minlaydi.