Putin va Erdo‘g‘an 5 mart kuni Moskvada muzokara o‘tkazadi

Rossiya prezidenti Vladimir Putin 5 mart kuni Turkiya prezidenti Rajab Toyyib Erdo‘g‘an bilan muzokara o‘tkazadi. Bu haqda Rossiya rahbarining matbuot kotibi Dmitriy Peskov ma'lum qildi.

"Turkiya Respublikasi prezidenti 5 mart kuni Moskvaga ishchi tashrif bilan keladi. Uning prezidentimiz bilan muzokara o‘tkazishi rejalashtirilgan", - dedi Peskov.

Avvalroq Putin va Erdo‘g‘an yuzma-yuz uchrashishga kelishib olgani xabar qilingandi.

Suriyaning Idlib provinsiyasida jiddiy eskalatsiya yuzaga kelgan: payshanba kuni kechqurungi havo hujumi oqibatida Turkiya armiyasining kamida 33 nafar harbiy xizmatchisi halok bo‘ldi. Turkiya tomoni havo zarbalari “Suriya rejimi” harbiy-havo kuchlari tomonidan yo‘llanganini ma'lum qilgan. Suriyaning bosh ittifoqchisi Rossiya hujum nishoniga tushib qolgan turkiyalik harbiylar «terrorchilar orasida bo‘lgani»ni ma'lum qilgan. Turkiya buni inkor etgan.