Ҳозирги пайтда Халқ таълими тизимидаги бошқа мактабларда ҳам дезинфекциялаш тадбирлари амалга ошириляпти

Фото: Халқ таълими вазирлиги ахборот хизмати

Ўзбекистонда бугунги кунга келиб 3,4 мингдан зиёд мактабларда дезинфекциялаш тадбирлари амалга оширилди. Бу ҳақда Халқ таълими вазирлиги хабар бермоқда.

Қайд этилишича, коронавирус инфекциясининг тарқалишини олдини олиш ва таълим муассасаларида санитария-эпидемиологик осойишталикни таъминлаш мақсадида жойларда мутахассислар томонидан дезинфекциялаш тадбирлари амалга оширилмоқда.

Ҳозирги пайтда Халқ таълими тизимидаги бошқа мактабларда ҳам дезинфекциялаш тадбирлари амалга оширилаётгани айтилади.

Бундан олдин, мактаб ўқувчилари учун ТВ-дарслар тўртта телеканал орқали эфирга узатилиши маълум қилинганди.