11:44 / 21.04.2020
24497
Гурлан туманига янги ҳоким тайинланди

Муроджон Очилов Гурлан тумани ҳокими этиб тайинланди 

Фото: Хоразм вилояти ҳокимлиги матбуот хизмати

Бугун Халқ депутатлари Гурлан тумани Кенгашининг навбатдан ташқари бешинчи сессияси бўлиб ўтди. Бу ҳақда Хоразм вилояти ҳокимлиги матбуот хизмати хабар қилмоқда. 

Сессияда ташкилий масала кўрилди. 2018 йилдан "Агробанк" акциядорлик тижорат банки бошқарув раиси ўринбосари лавозимида фаолият юритиб келаётган Муроджон Азаматович Очилов Гурлан тумани ҳокими этиб тайинланди.

Сессия ишида Ўзбекистон Республикаси президенти маслаҳатчиси Шерзод Қудбиев, вилоят ҳокими Фарҳод Эрманов қатнашди. 

Эслатиб ўтамиз, шу пайтгача туман ҳокими вазифасида ишлаб келаётган Алишер Салаев янги ташкил этилган Тупроққалъа тумани ҳокими вазифасини бажарувчиси этиб тайинланган эди.

Top