Özbekistonning Moskvadagi boş konsuli - charter reyslar, firibgarlar va Samaradagi holat haqida

Oğir kasallar, nogironlar olinadi, degan e'londan keyin, telegram-botda hamma birdaniga «kasal» bölib qoldi. Kasal bölsa, hujjatini körsatadi, uning rost-yolğonligi tekşiriladi.

Buning ham yölini qiladiganlar çiqib qolgan. Bundan tovlamaçilar ham foydalanib qolişyapti. Homiladorlik, kasallik böyiça soxta hujjat tayyorlaş holatlari ham bor. Ularning hammasini rentgendan ötkazib, haqiqatdan şunday ekanini tekşiriş imkoniyatimiz yöq.

Elçixonaning telefon raqami nima uçun doim band?

– Bizda içki telefonlar bor. Ştab nomerlaridan taşqari konsullik nomerlari ham bor. U yerga ham şahardan telefon qilişadi, ham içki qönğiroqlar uçun foydalaniladi.

Telefonda deyarli bir xil savollar beriladi: qaçon charter reys böladi, qaçon ketamiz, röyxatda bormanmi-yöqmi?.. Elçixonaning saytida, ijtimoiy tarmoqdagi sahifalarda barça ma'lumotlar berib borilyapti.

Veb-sayt: uzembassy.ru

Facebook: @UzEmbassy­ru

Instagram: @UzEmbassy­Russia

Telefon qilib söraganda ham şu ma'lumotlar beriladi. Telefon qilib sörab, xodimlarning özidan eşitişni istaydiganlar köp.

Ma'lumotini yuborganlarning röyxatda borligi aniq. Saytda va sahifalarda birinçi navbatda qaysi toifadagi odamlar yuborilişi körsatilgan. Agar şu toifaga kirmasa, navbati kelganda ularga ham aloqaga çiqiladi.

Bunday şikoyatlar borligi rost. Oçiğini aytiş kerak, hamma xodimlarimiz telefonga javob beriş bilan band. Vaziyatni töğri tuşuniş kerak, qiynalgan toifadagi odamlarga öz vaqtida javob bersak, foydaliroq böladi. 10-15 daqiqalab telefonda gaplaşib ötiradigan odamlar ham bor. 100 nafar odam telefon qilib, 5-6 daqiqadan gapirib ötirganda ham 600 daqiqa – 10 soat ketadi.

Bu bizning muammo, töğri. Uni hal qilyapmiz. Endilikda, quyidagi ikkita telefon raqami orqali koll-markazda 24 soat javob beriladi. Har bir telefonda 5-6ta kanal bor. Robot neçançi navbatda turganini aytadi, sal navbat kutiş kerak böladi.

Özbekistonning Rossiyadagi elçixonasi Call-markaz telefon raqamlari:

+74992300076

+74992383620

Fuqarolarni bu yerdan olib ketişga eng manfaatdor – özimizning hukumat, prezident va elçixona böladi. Şuning uçun sal sabr qiliş kerak. 12 maydan Rossiyada quriliş obektlarida, sanoat korxonalarida iş boşlandi. Bu yerda ham hozir işçi kuçi yetmayapti. Ozgina harakat qilib, işni qidirib topsa böladi.

Özbekistondagi şaroitni tuşunib, hissa qöşaylik. Bu narsalarning özi bölayotgani yöq. Vatanparvarligimizni namoyon qilişning ayni payti emasmi hozir? Butun dunyoda bölayotgan ofat bu. Heç kim bu narsalarga tayyor bölmagan.

«Qozoğiston bilan çegaraga çorlaş oldinroq boşlangan»

– Rossiya-Qozoğiston çegarasiga çorlaş harakati sal avvalroq boşlangan edi. Ayrim manfaatdor şaxslar turli ijtimoiy tarmoqlardagi guruhlarda çegaraga çorlaşni boşladi. Çegaraga borib, 5 kun yotsak, bizga oçib berişadi, ketamiz, degan gap bölgan. Vaholanki, ilgari bu maşinalar har bir yölovçi uçun 5-6 ming olgan bölsa, endi kişi boşiga 20-30 mingdan söragan. Şunga da'vat qilganlarni şaxsan topib, gaplaşganman. Tuşunib, aytgan gapiga raddiya berganlar böldi.

Feysbukdagi sahifamizda bunday provokatsiyalarga uçmanglar, deb e'lon ham qildik. Şunga qaramasdan, borişdi.

Çegaraga töplanganlar faqat bir marta istisno tariqasida ötkaziladi

Hozirgi paytda Taşqi işlar vazirligi, respublika maxsus komissiyasiga bu ma'lumotlar yetkazilgan. Qozoğiston hukumati bilan muzokaralar olib borilyapti. Elçimiz Orenburg, Samara viloyatlari gubernatori, Rossiya Içki işlar vazirligining birinçi örinbosari bilan gaplaşdilar. Öşa yerda bölib turgan fuqarolarning xavfsizligini ta'minlaş, masala yeçilgunga qadar joy qilib beriş böyiça muloqot olib borildi. Samara gubernatori öşa yerdagi fuqarolarimizga palatka qöyib beradigan va issiq ovqat bilan ta'minlaydigan böldi.

Lekin bu «bir martalik şantaj» qilindi, endi çegarani oçib berişadi, degan gap emas. Koronavirus ham ötib ketadi, faqat özini öylaş kerak emas. Faqatgina huquqni talab qiliş emas, qonuniy majburiyatlar haqida ham unutmaslik kerak. Rossiyada böliş talablariga rioya qiliş kerak.

Çegaradagi holat böyiça qöl qovuştirib ötirilgani yöq. Ayollar, homiladorlar bor, maşina qilib beramiz, deb aldab olib ketişgan.

Elçixonaning «Mehr» taşabbusi haqida. Unga Rossiyadagi tadbirkor vatandoşlar qöşila oladimi?

– Elçixonada alohida hisob raqami oçilgan. Xayriya mablağlari ötkaziş uçun raqamlarning barçasi saytimizda bor. U yerda yordam söraş uçun ham, mablağ xayriya qiliş uçun ham ma'lumotlar körsatilgan.

Mablağ ham çeksiz emas, şuning uçun eng oğir toifadagi odamlarga beriladi. Qaysi toifadagi fuqarolarga berilişi ham körsatilgan.

Uzoq hududlardagi vatandoşlar yordam oliş uçun kimga murojaat qiladi?

– Ular sayt orqali murojaat qilişlari mumkin. Bundan maqsad – jarayonni avtomatlaştiriş. Bizda ham resurslar çeklangan. Şuning uçun jarayon avtomatlaştirilgan. Bu platformaga boşqa konsulliklar ham ulangan. Qönğiroq qilib ham, elektron poçta orqali ham murojaat qilsa böladi. Saytdan kiriş şart, degan talab yöq. Faqatgina körsatilgan toifalardan biriga mansubligini tasdiqlovçi hujjatlari bölsa, elçixonaga yoki konsullikka taqdim etişi kerak.

Bekor qilingan doimiy reyslarga olingan çiptalar masalasi

– Fuqaroning qölida boşqa aviakompaniyalarning emas, faqatgina milliy aviakompaniya – Uzbekistan Airways reyslariga çipta bölsa, bekor qilingan reyslarga bölsa ham çipta bir yil mobaynida öz kuçida qoladi. Şu çipta bilan öşa joydan uçib ketaveradi.

Pandemiya tufayli bu çiptalar bir yil davomida öz kuçini saqlab qolişi belgilangan. Bu faqat milliy aviakompaniya çiptalari uçun. Rossiyada qolaman, işlayman, deganlar bölsa, aviakompaniyaning barça viloyatlarda vakolatxonalari bor, ularga murojaat qilinsa, çipta uçun tölangan summani qaytarib olişlari mumkin.

Yöq charter reys uçun çipta sotuvçi tovlamaçilar ham paydo bölgan

– Hozirgi charter reyslar uçun ham çipta narxi – 11 ming rubl. Ilgari bunday narx bölmagan, şaroitdan kelib çiqqan holda pasaytirib qöyilgan. Tovlamaçilar ham paydo bölgan. Mavjud bölmagan reyslarga çipta sotib olişni taklif qiladiganlarga aldanib qolmaslik töğrisida ham ogohlantiriş berganmiz.

Hatto elçixona nomidan çiqib, şu karta raqamiga pul taşlang, falon sanada reys böladi, ketasiz, mazmundagi holatlar ham bölgan. Mahalliy huquqni muhofaza qiliş holatlariga ham ularni berganmiz.

Kim bölişidan qat'i nazar, bank kartasiga pul ötkazinglar, degan gaplarga işonişmasin. Çiptalar aviakompaniyaning kassalaridagina sotiladi.

«Elçixona yoki konsullik yonida töplaniş – karantin qoidalarini buziş»

– Fuqarolardan iltimos qilmoqçi edim. Köpçilik elçixonaning oldiga kelib, viloyatdagi konsulliklar oldida töplanib, men ketaman, meni birinçi jönatasan, degan murojaatlar kuzatilyapti.

Hamma vaqt eşitişga tayyormiz. Lekin, şuni unutmaslik kerakki, Rossiyada ham hozir pandemiya. Bu davrda öz-özini izolyatsiya qiliş talabi bor, ijtimoiy masofalaniş bor. Moskvada maxsus ruxsatnoma bilan köçaga çiqiladi. Bu bekorga emas. Koronavirus aniqlangan, qölida «Rospotrebnadzor»ning uy izolyatsiyasida böliş körsatmasi bölgan fuqarolar ham kelib, boşqalar bilan aralaşib yurgan holatlarni ham bildik. Biz bilmagan holatlar qança?

Barça ma'lumotlarni onlayn olsa böladi

– Elçixona xodimlarini haqoratlaganlar bor. Biz bu haqoratlarni eşitişga ham tayyormiz. Şu şart bilan işlaşga kelganmiz. Aloqa raqamlari körsatib osib qöyilgan e'lonlarni yulib taşlaş, toş otiş, haqoratlaş holatlari bölgan. Bu böyiça hamma videolavhalar bor. Bunaqa qiliş bilan baribir heç narsa özgarmaydi. Uyda ötirib ham ma'lumot oliş mumkin.

Bir joyda töplanib turişsa, ruxsatnomasi bölmasa, huquqni muhofaza qiluvçi mahalliy idoralarning e'tiborini tortişi tabiiy. Politsiya çaqiriş bizning xayolimizga kelgani yöq. Ular özining vazifasini bajaryapti. Hamma bir-birini tuşunişi kerak. Fuqarolardan şuni iltimos qilgan bölardik.