Apple irqiy tengsizlikka karshi kurashga 100 mln dollar ajaratadi

Apple irqiy tengsizlikka qarshi kurashga bag‘ishlangan yangi loyihaga 100 mln dollar ajratadi. Ushbu tashabbus kompaniya xodimlari orasida etnik ozchilik vakillari sonini oshirishni ko‘zda tutadi. Bu haqda kompaniya rahbari Tim Kuk ma'lum qildi.

Tim Kuk / Foto: Elijah Nouvelage / Reuters

“Irqiy tenglik va adolatga erishishga qaratilgan oxiri yakunlanmagan ish bizdan hisobot talab qiladi. Bu vaziyatni o‘zgartirish mumkin, shu sababli Apple bunday o‘zgarishlar jarayonida harakatlantiruvchi kuch bo‘lish majburiyatini o‘z zimmasiga oladi. Men Apple’da irqiy tenglik va adolatga bag‘ishlangan ushbu tashabbusni bugun e'lon qilish imkonidan faxrlanaman”, deb ta'kidlab o‘tgan Kuk.

Tashabbus kompaniya xodimlari orasida etnik ozchilik vakillari sonini oshirishni va egalari qora tanli tadbirkorlar bo‘lgan firmalar bilan hamkorlik aloqalarini mustahkamlashni ko‘zda tutadi.

Apple ma'lumotlariga ko‘ra, hozirda kompaniyada etnik ozchilik vakillari (Osiyo va Janubiy Sharqiy Osiyo davlatlaridan bo‘lganlardan tashqari) ulushi umumiy xodimlar sonidan 24 foizni va yangi ishga qabul qilinganlar sonidan 31 foizni tashkil qiladi.

AQShda irqchilik mavzusi afroamerikalik Jorj Floyd oq tanli politsiyachi qo‘polligi sababli vafot etgandan keyin yana dolzarblashdi.