15:44 / 11.07.2020
39372
Тошкентда «Ласетти» Бўрижар каналига тушиб кетди — 34 ёшли ҳайдовчи вафот этди

Воқеа бугун, 11 июль куни соат 06:30ларда, Шайхонтоҳур тумани Бунёдкор ва Сеул кўчалари чорраҳасида рўй берган.

Фото: Тошкент шаҳар ИИББ ахборот хизмати

«Ҳайдовчи М.У. (1986 й.т.) «Ласетти» русумли транспорт воситасида ҳаракатланаётиб, руль бошқарувини йўқотиб (сабабига аниқлик киритилмоқда), кўприк устидаги темир панжарани бузиб ўтиб, Бўрижар каналига тушиб кетган», – дейилади ИИВ Йўл ҳаракати хавфсизлиги бош бошқармаси ахборотида.

Натижада «Ласетти»нинг 34 ёшли ҳайдовчиси воқеа жойида вафот этган.

Ҳолат юзасидан Тошкент шаҳар ИИББ ЙТҲ ТБ томонидан суриштирув ишлари олиб борилмоқда.

«Барча йўл ҳаракати қатнашчиларидан белгиланган қоидаларга амал қилишларини, ўзи ва ўзгалар ҳаётини хавф остига қўймасликларини сўраб қоламиз», – дея таъкидланган ИИВ ЙҲХББ Ахборот хизмати хабарида.

Top