Vazirlar Mahkamasining 2020 yil 26 avgustdagi 516-son qarori bilan Andijon iqtisodiyot va qurilish instituti tashkil etildi.

Vazirlar Mahkamasi huzuridagi Ta'lim sifatini nazorat qilish Davlat inspeksiyasi xabariga ko‘ra, mazkur oliy ta'lim muassasasining asosiy vazifalari va faoliyat yo‘nalishlari etib quyidagilar belgilandi:

hududning rivojlanish istiqbollari va ustuvor vazifalarini hisobga olgan xolda iqtisodiyot va qurilish sohasi bo‘yicha amaliy ko‘nikmalarga ega bo‘lgan, raqobatbardosh oliy ma'lumotli mutaxassislar va ilmiy-pedagogik kadrlarni tayyorlash, qayta tayyorlash va ularning malakasini oshirish;

xorijiy yetakchi va nufuzli oliy ta'lim muassasalarining ilg‘or tajribasini tatbiq etish asosida malaka talablari, o‘quv rejalari va fan dasturlarini ishlab chiqish, o‘quv va ilmiy-uslubiy ta'minotni takomillashtirish va amaliyotga joriy etish;

o‘quv jarayonida nazariy tayyorgarlikning amaliyot bilan uzviy bog‘liqligini ta'minlash maqsadida iqtisodiyot va qurilish sohasidagi tashkilotlar bilan birgalikda talabalar amaliyotini tegishli soha tashkilotlarida tashkil etish, bitiruvchilarni ish bilan ta'minlash bo‘yicha maqsadli hamkorlikni yo‘lga qo‘yish;

amaliy ilmiy-tadqiqot ishlarini ro‘yobga chiqarish uchun zamonaviy o‘quv va ilmiy-laboratoriya bazasini shakllantirish, uni zamonaviy texnologiyalar asosida jihozlash xamda o‘quv va ilmiy loyihalarni amalga oshirish;

iqtisodiyot va qurilish sohasini rivojlantirishning ilmiy-metodik vazifalarini hal etish, xorijiy ilg‘or pedagogik texnologiyalarni joriy qilishga yo‘naltirilgan ilmiy tadqiqotlar olib borish va iqtidorli talaba- yoshlarning ilmiy faoliyat bilan shug‘ullanishini ta'minlash;

yoshlarni milliy, vatanparvarlik va fidoyilik g‘oyalariga sadoqat ruhida, ma'naviy boy, xar tomonlama kamol topgan, mustaqil dunyoqarash va fikrlash xususiyatlariga ega bo‘lgan shaxs etib tarbiyalash;

xorijiy yetakchi oliy ta'lim muassasalarining malakali mutaxassislarini keng jalb etish orqali respublika uchun istiqbolli bo‘lgan yangi bakalavriat ta'lim yo‘nalishlari va magistratura mutaxassisliklari bo‘yicha qo‘shma ta'lim dasturlarini yo‘lga qo‘yish hamda xalqaro loyihalarni amalga oshirish.

Belgilanishicha:

Institut O‘zbekiston Respublikasi Oliy va o‘rta maxsus ta'lim vazirligi tizimida faoliyat yuritadi;