9-10 oktabr kunlari Toshkentda, sobiq TAPOiCh zavodi hududida AKFA kompaniyalar guruhining yangi yo‘nalishi – AKFA Build'ning taqdimoti bo‘lib o‘tdi. Ushbu tadbir yuqori texnologiyali va arzon narxlardagi yaxlit qurilish yechimlarini taqdim etishga qaratilgan edi. Tadbirda qurilish sohasi mutaxassislari, xorijiy hamkorlar va ommaviy axborot vositalari vakillari ishtirok etishdi.
Taqdimot davomida AKFA kompaniyalar guruhi bosh direktorining o‘rinbosari Kamran G‘ulomov kompaniya tarixi, yo‘nalishni rivojlantirish maqsadlari va rejalari to‘g‘risida so‘z yuritdi va metall konstruksiyalar, modulli uylar, ko‘p qavatli avtomatik avtoturargohlar kabi yangi mahsulotlar, shuningdek, agrosanoat sohalariga oid yechimlarni e'lon qildi.
Modulli uylar nima?
Modulli uylar – bu fabrikada ishlab chiqariladigan va tugallangan shaklda yig‘ish joyiga yetkazib beriladigan alohida bo‘limlardan iborat yig‘ma inshootlar. Aslida, modulli uyni yig‘ish jarayoni konstruktorni yig‘ishga o‘xshaydi. Modulli uylarning asosini yupqa devorli yengil po‘lat konstruksiyasi (LSTK) tashkil etadi.
Tuzilishning yengilligi tufayli qimmat og‘ir poydevor talab qilinmaydi, qurilish qiymati g‘ishtli uylarga nisbatan 40 foizga kamayadi. Bundan tashqari, agar zaruriyat tug‘ilsa, modulli uylarni osongina o‘zgartirish va yashash maydonini kengaytirish mumkin.
Avtoturargoh yetishmasligi muammosini hal qilish
Taqdimotda ta'kidlanishicha, mamlakatda avtoulovlar sonining ko‘payishi munosabati bilan to‘xtash joyi masalasi dolzarb bo‘lib turibdi. AKFA Build ko‘p qavatli avtomatlashtirilgan pazl (puzzle) tipidagi avtoturargohlarini qurish orqali ushbu muammoni hal qilishning ideal yechimini taklif etadi. AKFA Build tomonidan ishlab chiqarilgan avtomatlashtirilgan avtoturargohlar megapolislarda ayni damda dolzarb bo‘lib turgan avtomobillarga mo‘ljallangan to‘xtash joylarini tejashga imkon beradi. Noyob texnologiya tufayli siz to‘xtash joyini 4 barobar tejashingiz mumkin.
Taqdimotning ikkinchi qismida tadbir mehmonlariga: gazbeton, PIR va bazalt vatasi bilan to‘ldirilgan sendvich panellar hamda yonmaydigan kompozit panellar kabi mahsulotlar taqdim etildi.
