Shavkat Mirziyoyev Toshkent shahridagi bunyodkorlik ishlari va sanoat korxonalari faoliyati bilan tanishmoqda
O‘zbekiston Respublikasi prezidenti Shavkat Mirziyoyev bugun Toshkent shahridagi bunyodkorlik ishlari, sanoat korxonalari faoliyati bilan tanishmoqda.

«Birinchi obekt Yashnobod tumanidagi Texnopark bo‘ldi. Davlat rahbarining 2019 yil 1 maydagi “Sanoat kooperatsiyasini yanada rivojlantirish va talab yuqori bo‘lgan mahsulotlar ishlab chiqarishni kengaytirish chora-tadbirlari to‘g‘risida”gi qarori asosida ushbu innovatsiya texnoparki tashkil etilgan edi. O‘tgan qisqa vaqtda bu yerda zamonaviy industriya yo‘lga qo‘yildi.
Masalan, Toshkent aviatsiya zavodi ishlab turgan 2010 yilda 50 million dollarlik mahsulot ishlab chiqarilib, 30 million dollarlik eksport qilingan bo‘lsa, Texnoparkdagi barcha loyihalar natijasida 2021 yilda 520 million dollarlik mahsulot tayyorlanadi va 105 million dollarlik eksport qilinadi.
Shuningdek, ilgari 3 mingdan ziyod ish joylari bo‘lgan, Texnoparkda 6 ming 700 ga yaqin bo‘ladi. Ya'ni, mahsulot ishlab chiqarish 10 barobar, eksport 3,5 barobar, ish joylari 1,7 barobar ko‘payadi», deyiladi prezident matbuot xizmati xabarida.
Texnopark 7ta blokdan iborat. Bu yerda umumiy qiymati 365 million dollarlik 17ta loyiha amalga oshirilmoqda.
Joriy yil fevralida elektron gaz hisoblagichlar korxonasi, avgustda maishiy sovutgichlar zavodi ishga tushirilgan edi. Boshqa loyihalar ham birin-ketin foydalanishga topshirilmoqda.
Prezident shunday yangi quvvatlar – lift va eskalatorlar, forma va qoliplar, suv nasoslari, sanoat konditsionerlari va sovitish tarmoqlari korxonalarida ishlab chiqarish jarayonini ko‘zdan kechirdi.
Lift korxonasida davlat rahbari mahsulotlarning lokalizatsiya darajasi bilan qiziqdi. Hozirda bu ko‘rsatkich 32 foiz.
Prezident Shavkat Mirziyoyev Toshkent va boshqa shaharlardagi ko‘p qavatli uylarda eng katta muammo liftlar bilan bog‘liqligini aytib, mahalliylashtirish darajasini oshirish evaziga tannarxni tushirish, eski liftlarni almashtirib, yangilariga sifatli xizmat ko‘rsatish bo‘yicha ko‘rsatmalar berdi. Zamonaviy liftlarni ekspluatatsiya qilish bo‘yicha kadrlar tayyorlash kerakligi qayd etildi.
Davlat rahbari forma va qoliplar korxonasida yosh xodimlar ishini kuzatdi.
«Bunday korxonalar bir emas, bir nechta juda muhim iqtisodiy-ijtimoiy masalalarni hal qiladi. Odamlarni, ayniqsa, yoshlarni ish bilan ta'minlaydi. Eng asosiysi, bugungi yutug‘imiz – sanoatda yuqori texnologiyalarni amalda ishlata oladigan zamonaviy milliy kadrlarning yangi avlodi yetishib chiqyapti», – dedi prezident.
Shavkat Mirziyoyev mahsulotlar sifatini ilg‘or mutaxassislar ta'minlashini, shu bois yoshlarni bunday korxonalarda ishlashga tayyorlash uchun o‘quv markazi tashkil etish zarurligini ta'kidladi.
Kelgusi yili Texnoparkda sovituvchi vitrinalar, isitish radiatorlari, oshxona texnikalari, furnitura va aksessuarlar, mis quvurlar, izolyatsiya materiallari kabi bozorbop mahsulotlar ishlab chiqaruvchi 9ta korxona ishga tushiriladi.
Tavsiya etamiz
Putin AQSh va Ukrainaning 30 kunlik otashkesim taklifiga rozi bo‘ldi
Jahon | 23:00 / 13.03.2025
«Credit House» ishi: Minglab odamlar uysiz va pulsiz qolyapti
O‘zbekiston | 12:30 / 13.03.2025
Qamoqqa olinmagan gumonlanuvchilarning O‘zbekistondan chet elga chiqishi vaqtincha cheklanishi mumkin
O‘zbekiston | 19:08 / 12.03.2025
Avstraliyalik erkak sun’iy yurak bilan 100 kun yashab, rekord o‘rnatdi
Jahon | 14:35 / 12.03.2025
So‘nggi yangiliklar
-
Nukusda propan gaz tashuvchi yuk mashinasi ag‘darilib ketdi
Jamiyat | 19:40
-
«Har bir tizimda bunaqalar bor» – IIV mas’uli nopok xodimlar haqida
O‘zbekiston | 19:36
-
Toshkentda popkorn sotuvchilarini “panohiga olgan” profilaktika inspektori pora olganlikda ayblandi
Jamiyat | 19:19
-
HAMAS garovdagi isroillikni ozod etishga va to‘rt kishining jasadini qaytarishga rozi bo‘ldi
Jahon | 19:11
Mavzuga oid

06:15 / 20.08.2023
Shavkat Mirziyoyev Budapeshtda Viktor Orban bilan uchrashuv o‘tkazdi

20:36 / 18.08.2023
Prezident tadbirkorlar uchun qanday yengilliklarni e’lon qildi?

14:23 / 18.08.2023
«Kudbiyev degan kattakon, senga baho bu» - Shavkat Mirziyoyev qarsak chalgan tadbirkorlar soliqchilardan noroziligi haqida

11:45 / 12.07.2021