15:30 / 04.12.2020
1998
Нуфузли The Banker журнали томонидан «Ориент Финанс» банк Ўзбекистондаги йилнинг энг яхши банки деб тан олинди

The Banker фикрига кўра, «Ориент Финанс» банк ўз фаолиятини чакана бизнесини ривожлантиришга, шу жумладан мобил банкинг хизматларини кенгайтиришга, ипотека кредитларини тақдим этишга қайта йўналтирган ва шу билан истеъмолчилар учун янги хизматлар тўпламини сезиларли даражада кенгайтиришга эришган.

Мутахассислар банкнинг молиявий кўрсаткичларига юқори баҳо бердилар. Хусусан, 2019 йилда унинг соф фойдаси 50%га, биринчи босқич капитали эса 47%га ошди. Шу билан бирга, ишламаётган кредитлар коэффициенти атиги 0,017% ни ташкил этиб, жуда паст даражада қолмоқда.

«Бу бутун «Ориент Финанс» банк жамоасининг мижозлар учун энг яхши ечимларни тақдим этишга интилаётганини намойиш этувчи муҳим ютуқдир. Бизнинг муваффақиятимиз корпоратив бошқарувнинг юқори стандартларига қатъий риоя қилиш, хатарларни самарали бошқариш ҳамда Банкни доимий трансформация қилиб боришга асослангандир.

Биз, The Banker’s Bank of the Year Award 2020 халқаро номинациясида Ўзбекистонни намойиш этаётганимиздан фахрланамиз», – дея, таъкидлади банк Кузатув кенгаши Раиси Бабур Парпиев. 

The Banker халқаро молия масалаларига бағишланган Британиянинг энг нуфузли ойномаси ҳисобланади. Журнал Financial Times гуруҳи томонидан Лондонда 1926 йилдан буён нашр этилади.

Асос солинганидан буён, ойнома дастурий таъминот ишлаб чиқариш, янги технологик кашфиётлар ва инновациялар, мамлакатлар бўйича ҳисоботлар, банк рейтинглари, экспертларнинг шарҳлари, бозор шарҳлари ва минтақавий саноат ривожланишининг баҳолари ҳақидаги маълумотларни чоп этади. Натижада, «The Banker» ихтисослашган нуфузли молиявий журналга айланди. Нашрнинг фикрига бутун дунёдаги банкирлар, молиячилар, раҳбарлар ва корпорациялар менежерлари, шунингдек, молия вазирлари қулоқ тутадиган бўлдилар.

Мазкур ойнома, ҳар йили дунёдаги энг яхши ва илғор молия институтларига The Banker Awards мукофотини тақдим этади. Жорий йилда The Banker 138 та давлатларда мукофотларни топширди, шунингдек, олти нафар минтақавий мукофотлар ва дунёнинг энг яхши банкига соврин тақдим этди.

«Ориент Финанс» банк Матбуот хизмати

Top