Ilk marotaba Samsung Galaxy S21+ va iPhone 12 Pro Max jonli videoda taqqoslandi

Youtube'dagi kanallardan birida hali taqdim qilinmagan Samsung Galaxy S21+ hamda shu yilning noyabr oyidan sotuvga chiqarilgan iPhone 12 Pro Max smartfonlarining solishtirilgan videosi tarqaldi.

Videoda smartfonlarning o‘lchamlari, kamera bloklari va ekranning yon qismlaridagi hoshiyalari solishtirilgan. Bundan tashqari, ikkala telefonda olingan rasmlarning sifati ham taqqoslangan. Lekin boshqa Samsung kompaniyasining keyingi avlod flagmani haqida boshqa ma'lumotlar berilmagan.

Samsung kompaniyasi yil boshida bozorda raqobatning yo‘qligidan foydalanib, yangi ceriyadagi smartfonlarini 2021 yilning 14 yanvarida taqdim qilishi va fevraldan sotuvga chiqarishi kutilmoqda. Agar shu tarzda insayderlar ma'lumot tarqatishda davom etsa, taqdimot kuni hech bir yangilik qolmaydi, demoqda mutaxassislar.

Avvalroq, mashhur insayder OnLeaks Samsung kompaniyasining keyingi flagmani 5 ta kameraga ega bo‘lishini ma'lum qilgan edi. Koreyalik gigantning eng yuqori darajadagi flagmani Galaxy S21 Ultra bo‘ladi. Model bitta old kamera va AMOLED ekran bilan jihozlangan hamda uning korpusi temirdan ishlangan ramka bilan o‘ralgan. Smartfonning orqasida korpusga birlashib ketuvchi asosiy kameralar bloki joylashadi.

Shuningdek, smartfonning tashqi ko‘rinishi va texnik xususiyatlari borasida deyarli yakuniy to‘xtamga kelingan.