ID kartani olish uchun yagona portal orqali ariza topshirish imkoniyati yaratildi
Aholiga qulaylik yaratish maqsadida yagona portal tizimiga yangi xizmat joriy etildi. Bu haqda Axborot texnologiyalari va kommunikatsiyalarini rivojlantirish vazirligi xabar bermoqda.
Qayd etilishicha, fuqarolar yagona portal my.gov.uz orqali biometrik pasportni ID kartaga almashtirish uchun ariza topshirishi mumkin.
Xizmatdan foydalanish uchun quyidagi havolaga o‘tish lozim: https://my.gov.uz/ru/service/378
2011 yilgi namunadagi biometrik pasportlarni ID kartalarga almashtirish jarayoni 2021 yil 4 yanvardan boshlandi. Uning narxi BHMning 89 foizini, ya'ni 198 ming 470 so‘mni tashkil etadi.
ID kartalar zarur hujjatlar va ma'lumotlar qabul qilib olingandan so‘ng 1 ish kuni mobaynida rasmiylashtirib beriladi.
ID kartalar ikki bosqichda beriladi. 2021 yil 1 yanvardan 2022 yil 31 dekabrgacha davom etadigan 1-bosqichda ixtiyoriylik asosida 16 yoshga to‘lganda hamda qonunchilikda ko‘zda tutilgan boshqa sabablarga ko‘ra ID kartalar beriladi.
Mavzuga oid
12:13 / 06.04.2024
Ayrim shaxslar yo‘qotilgan pasport va ID-kartani almashtirib berishda davlat bojidan ozod etiladi
14:38 / 25.08.2023
O‘zbekistonliklar 1 sentabrdan Qirg‘izistonga ID-karta orqali o‘tishi mumkin bo‘ladi
16:04 / 09.06.2023
Elektron ishonchnomani masofadan bekor qilish imkoni yaratildi
11:00 / 27.05.2023