Hujjatga muvofiq, uch oy muddatda amaldagi qonunchilikka tegishli o‘zgartish va qo‘shimchalar kiritish bo‘yicha takliflar ishlab chiqilishi belgilangan. Ular orasida biometrik pasport, ID-karta va yashash guvohnomasini yo‘qotish holatlarida ma’muriy javobgarlikni qayta ko‘rib chiqish masalasi ham bor.
Qarorda ta’kidlanishicha, takliflar fuqarolarning hujjatlarini qayta rasmiylashtirish tartibini soddalashtirish va davlat xizmatlarini yanada qulaylashtirishga qaratilgan.
Shuningdek, hujjatda davlat xizmatlarini raqamlashtirish, ID-karta va boshqa shaxsni tasdiqlovchi hujjatlardagi ma’lumotlar o‘zgarganda ularni avtomatik yangilash, Yagona interaktiv davlat xizmatlari portali orqali yangi xizmatlarni joriy etish kabi chora-tadbirlar ham belgilangan.
Bundan tashqari, qaror doirasida ko‘chmas mulkni davlat ro‘yxatidan o‘tkazish, notarial xizmatlar, elektron davlat xizmatlari va reklama sohasidagi huquqiy tartib-taomillarni takomillashtirishga qaratilgan qator yangiliklarni amalga oshirish rejalashtirilgan.
