17:06 / 13.01.2021
17696
Сув хўжалиги вазирининг биринчи ўринбосари лавозимидан озод қилинди

Президент қарорига асосан, сув хўжалиги вазирининг биринчи ўринбосари Баҳодир Рўзибоев лавозимидан озод этилди. Бу ҳақдаги маълумотни вазирлик матбуот хизмати Kun.uz'га тасдиқлади.

Фото: Сув хўжалиги вазирлиги

Истеъфо сабаби, Рўзибоевнинг келгуси фаолияти ва унинг ўрнига кутилаётган тайинлов бўйича ҳозирча маълумот йўқ.

Сув хўжалиги вазирлиги 2018 йил феврал ойида ташкил этилган, ўша йил май ойида Баҳодир Қўчқорович вазирнинг биринчи ўринбосари этиб тайинланган эди.

Бунга қадар у Хоразм вилоятида сув хўжалиги соҳасида қатор вазифаларда ишлаган; 2008 йилдан Қишлоқ ва сув хўжалиги вазирлигида раҳбарлик лавозимларида, 2014–2018 йилларда «UZGIP» МЧЖ директори сифатида фаолият кўрсатган.

Top