F.Umarov 2019 yil sentyabrdan buyon Davlat soliq qo‘mitasi raisi o‘rinbosari lavozimida mehnat qilib kelayotgandi. Umarov 2001 yili Toshkent davlat iqtisodiyot universitetini buxgalteriya hisobi va audit mutaxassisligi bo‘yicha tamomlagan. 2005-2006 yili Soliq akademiyasida davlat soliqlari va yig‘imlari mutaxassisligi bo‘yicha tahsil olib, magistr darajasini olgan.
U davlat soliq xizmati organlarida 16 yillik mehnat tajribasiga ega bo‘lib, 2006-2015 yillarda Davlat soliq qo‘mitasining turli tuzilmalarida bo‘lim boshlig‘i, boshqarma boshlig‘i lavozimlarida faoliyat yuritgan.
Shuningdek, 2015-2017 yillarda Moliya vazirligining Soliq va bojxona-tarif siyosati boshqarmasida shu'ba mudiri bo‘lib ishlagan.
Fazliddin Umarov 2019 yil sentyabrgacha Hisob palatasining Qo‘shimcha daromad manbalarini aniqlash va xarajatlarni tahlil qilish axborot-tahlil shu'basi bosh inspektori lavozimida ishlagan.
U yangi lavozimda DSQ raisining birinchi o‘rinbosari ham hisoblanadi.
Eslatib o‘tamiz, Kadastr agentligi sobiq rahbari Xalilillo To‘raxo‘jayev sud tizimiga o‘tkazilgani munosabati bilan egallab turgan lavozimidan bo‘shatilgani haqida xabar berilgandi.
