09:58 / 12.02.2021
5506
«Заковат» интеллектуал клуби нодавлат нотижорат ташкилот сифатида рўйхатдан ўтди

2021 йил 10 феврал куни «Заковат» интеллектуал клуби нодавлат нотижорат ташкилот сифатида Адлия вазирлигида рўйхатдан ўтказилди. Бу ҳақда Миллий масс-медиани қўллаб-қувватлаш ва ривожлантириш жамоат фонди хабар бермоқда.

Клуб фаолиятининг асосий мақсади сифатида:

  • ёшларнинг билимга бўлган интилишларини қўллаб-қувватлаш ва рағбатлантириш;
  • интеллектуал соғлом рақобатни юзага келтириш;
  • ёшлар орасида китобхонликни тарғиб қилиш ва ривожлантириш;
  • республиканинг турли ҳудудларидаги заковатли ёшлар учун фикр алмашиш имкониятини яратиш;
  • таълим муассасаларида интеллектуал тўгараклар фаолиятини йўлга қўйиш ва такомиллаштириш;
  • профессионал ва ҳаваскор билимдонлар иштирокида интеллектуал лойиҳаларни амалга ошириш кабилар белгиланди.

Аввалроқ, Миллий масс-медиани қўллаб-қувватлаш ва ривожлантириш жамоат фонди Васийлик кенгаши йиғилишида «Заковат» интеллектуал клуби нодавлат нотижорат ташкилотини тузиш ҳақида қарор қабул қилингани хабар берилганди.

Top