Toshkent shahrida Farg‘ona yo‘li ko‘chasining “Islom ota” masjididan Yong‘in-qutqaruv qismi yo‘nalishidagi qismi (mo‘ljal: “O‘zbek qog‘ozi” OAJ) uch sutka davomida harakatlanish uchun qisman yopiladi.
Poytaxt hokimligi axborot xizmati xabariga ko‘ra, bu yo‘l ta'mirlash ishlari sababli amalga oshiriladi.
Qayd etilishicha, ikki tomonlama harakatlanish qatnov qismining bir tarafi bo‘ylab tashkil etiladi.
Haydovchilarga vujudga kelishi mumkin bo‘lgan tirbandliklarning oldini olish maqsadida aylanma yo‘llardan foydalanish tavsiya etilgan.
