Microsoft kompaniyasi xitoylik hakerlar guruhini o‘zining pochta serverlariga hujum qilishda aybladi. Bu haqda VVS xabar bermoqda.
Kompaniyaning ta'kidlashicha, hakerlar "katta ehtimol bilan" davlat tomonidan moliyalashtiriladigan Hafnium guruhi a'zolari bo‘lgan.
Hakerlar Microsoft dasturiy ta'minotidagi nuqsonlardan foydalanib pochta manzillariga kirgan.
Qo‘shimcha qilinishicha, Hafnium yuqumli kasalliklar tadqiqotchilari, yuridik firmalar, oliy ta'lim muassasalari, mudofaa sohasidagi pudratchilar hamda siyosiy tahlil markazlari va nohukumat tashkilotlarga kiberhujum uyushtirgan.
