00:21 / 11.03.2021
6902
Компакт-диск ва кассета плёнкаси ихтирочиси вафот этди
Фото: ANP

ХХ асрда техника соҳасида туб ўзгаришлар ясаган муҳим ихтиролар, жумладан кассеталар учун плёнка ва компакт-дискни яратган нидерландиялик муҳандис Лодевейк Оттенс 6 март куни 95 ёшида вафот этди.

Dutch News нашрининг хабар беришича, Оттенс Шимолий Брабант провинциясидаги уйида ҳаётдан кўз юмган.

Оттенс бутун умри давомида Philips компаниясида ишлаган. У компаниянинг маҳсулотларни ишлаб чиқиш бўлимига раҳбарлик қилган. Оттенс бўлимга раҳбарлик қила бошлаганидан кўп ўтмай у ерда портатив магнитофон ишлаб чиқилган. Кейинроқ муҳандис кассеталар учун плёнкани ихтиро қилган ва бунда кассетанинг ўзи қулай ва ихчам бўлишини назарда тутган. Кейинроқ Оттенс компакт-дискни ихтиро қилган.   

Муҳандис 1986 йилда пенсияга чиққан ва ҳамиша ўз ихтиролари жамоавий саъй-ҳаракатлар натижаси эканини таъкидлаб келган. 

Top