10:38 / 11.03.2021
2162
Ўзбекистонда булғор қалампири экспорти 92 фоизга ўсди

2020 йилда 8,9 миллион доллар қийматидаги 13,9 минг тоннадан ортиқ булғор қалампири экспорт қилинган.

Фото: Getty Images

2020 йилда 2019 йилдаги кўрсаткичга нисбатан 6,6 минг тонна кўп булғор қалампири экспорт қилинган бўлиб, 92 фоиз ўсишга эришилган.

Давлат божхона қўмитаси маълумотларига кўра, экспорт қилинган булғор қалампири натижасида валюта тушумлари 2019 йилга нисбатан 3,6 миллион долларга кўпайиб, 68 фоиз ўсиш кузатилган.

Булғор қалампирининг 59 фоизи Россияга ва 25 фоизи Қозоғистонга экспорт қилинган.

Шунингдек, 2020 йилда булғор қалампирининг экспорти Полшага 6 баробарга, Тожикистонга 2,5 баробарга ва Бирлашган Араб Амирликларига 1,1 баробарга ортган.

2020 йилдан илк бор Ўзбекистондан Беларус, Озарбойжон ва Афғонистонга булғор қалампири экспорти йўлга қўйилди.

Top