12:54 / 25.03.2021
6666

O‘zbekistonga ikki oyda 85ta elektromobil olib kelindi

2021 yilning yanvar-fevral oylarida O‘zbekistonga xorijdan 85ta elektromobil import qilindi. 

Foto: AP/TASS

Davlat statistika qo‘mitasi ma'lumotlariga ko‘ra, bu ko‘rsatkich o‘tgan yilning mos davriga nisbatan 78taga ko‘p.

Qayd etilishicha, 2021 yilning fevral oyida 32ta elektromobil import qilingan.   

2021 yilning yanvar-fevral oylarida O‘zbekiston asosan qaysi davlatlardan elektromobillar import qilingani ham ochiqlandi. Bular:

  • Xitoy – 55ta;
  • Turkiya – 24ta;
  • Koreya – 3ta;
  • AQSh – 2ta;
  • Litva – 1ta. 

Shuningdek, so‘nggi yillarda import qilingan elektromobillar soni ham aytildi:

  • 2018 yilda – 13ta;
  • 2019 yilda – 39ta;
  • 2020 yilda – 131ta.

Ma'lumot uchun, 2021 yilning yanvar-fevral oylarida import qilingan elektromobillar uchun 1,5 million AQSh dollari sarflangan.

Avvalroq, elektromobillarga soliq imtiyozlari berilishi mumkinligi xabar qilingandi.

Moliya vazirligi Soliq kodeksiga o‘zgartirish kiritish to‘g‘risida qonun loyihasini jamoatchilik muhokamasiga qo‘ydi. Unga ko‘ra, elektromobillar bojxona yig‘imidan ozod etilishi mumkin. Hozirda bu yig‘im miqdori 20 yevroni tashkil etadi. 

Top