Milliy statistika qoʻmitasi maʼlumotlariga koʻra, umumiy oʻrta taʼlim tashkilotlaridagi oʻqituvchilar soni 2024-2025 oʻquv yiliga nisbatan 12,8 ming nafarga yoki 2,3 foizga oshgan. Hisob-kitobga oʻrindoshlik asosida ishlaydigan oʻqituvchilar kiritilmagan.
Oʻqituvchilarning 418,8 ming nafari ayollar, 158,9 ming nafari erkaklardir. Ularning jami oʻqituvchilar sonidagi ulushi mos ravishda 72,5 va 27,5 foizni tashkil etgan.
Hududlar orasida Samarqand va Qashqadaryo viloyatlari yetakchi - har ikkisida 65,1 ming nafardan oʻqituvchi ishlagan. Keyingi oʻrinda 60,6 ming nafar oʻqituvchi bilan Fargʻona viloyati qayd etilgan.
Hududlar kesimida oʻqituvchilar soni:
Samarqand viloyati - 65,1 ming nafar;
Qashqadaryo viloyati - 65,1 ming nafar;
Fargʻona viloyati - 60,6 ming nafar;
Surxondaryo viloyati - 52,3 ming nafar;
Andijon viloyati - 46,3 ming nafar;
Namangan viloyati - 42,6 ming nafar;
Qoraqalpogʻiston Respublikasi - 40,7 ming nafar;
Toshkent viloyati - 40,2 ming nafar;
Xorazm viloyati - 35,1 ming nafar;
Toshkent shahri - 34,1 ming nafar;
Buxoro viloyati - 33,4 ming nafar;
Jizzax viloyati - 25,7 ming nafar;
Navoiy viloyati - 22,3 ming nafar;
Sirdaryo viloyati - 14,2 ming nafar.
Maʼlumotlar 1-oktabr - Oʻqituvchi va murabbiylar kuni munosabati bilan eʼlon qilingan.
