15:55 / 01.04.2021
7516
Тўқаев соғлиқни сақлаш вазири ва бутун ҳукуматни алмаштириш билан таҳдид қилди 

Қосим-Жўмарт Тўқаев коронавирусга қарши эмлаш миллий хавфсизлик масаласи эканлигини таъкидлади. 

Фото: akorda.kz

Қозоғистон президенти Қосим-Жўмарт Тўқаев соғлиқни сақлаш вазири Алексей Цой ва бутун ҳукуматга таҳдид қилди, деб хабар бермоқда Tengrinews.kz

«Ҳукумат «Спутник V» бўйича шартнома ва маҳаллий вакцина ишлаб чиқарилиши мамлакатнинг вакцинага бўлган эҳтиёжини тўлиқ қоплашига ишонтирганди. Шу маълумотга асосланиб, 1 февралдан оммавий эмлаш бошланишини эълон қилгандим. Ўтган икки ой давомида аҳолининг 0,2 фоиздан оз қисми эмланган. Энди бошқа давлатлар раҳбарлари билан қўшимча вакцина етказиб бериш бўйича келишув олиб боришимга тўғри келади. Биз етказиб беришни тезлаштириш учун бефойда шартларга кўнишимиз керак бўлади», – деди Тўқаев. 

У коронавирусга қарши эмлаш миллий хавфсизлик масаласи эканини таъкидлади ва соғлиқни сақлаш вазири Алексей Цойга мурожаат қилди.  

«Апрел давомида вазиятни ўзгартиришингиз шарт. Акс ҳолда, сизни қаттиқ хафа қиладиган кадрлар ўзгариши бўлади. Бу нафақат соғлиқни сақлаш вазири, балки бутун ҳукуматга тегишли», – деди Қозоғистон президенти. 

Top