Turkiyada NF-5 qiruvchi samolyoti halokatga uchradi 

Ko‘nya shahri yaqinida Turkiya harbiy-havo kuchlariga qarashli NF-5 qiruvchi samolyoti halokatga uchradi. Bu haqda Turkiya mudofaa vazirligi o‘zining Twitter sahifasida xabar berdi. 

Xabarda aytilishicha, halokat mashg‘ulot vaqtida yuz bergan. Samolyot uchuvchisi halok bo‘lgan.

Sabah gazetasining yozishicha, samolyot «Turk yulduzlari» uchuvchilar guruhi tarkibiga kirgan.

Gazetada chop etilgan suratlarga ko‘ra, samolyot aholi istiqomat qiladigan hudud yaqiniga qulagan.

Hodisa bo‘yicha surishtiruv ishlari boshlangani aytilmoqda.