“Men nogironlar aravachasida harakatlanmoqdaman, chunki bu ancha qulay. Oyoqlarim qoniqarli ahvolda emas”, deb aytgan Zeman Blesk nashriga bergan intervyusida.
Prezidentning ta'kidlashicha, u shifokorlar tavsiya qilgan nogironlar aravachasidan rasmiy tadbirlarda ham foydalanadi.
76 yoshli Zeman vaqti-vaqti bilan Pragadagi markaziy harbiy gospitalda davolanib turadi. U, shuningdek, qand kasalligidan aziyat chekadi.
Zeman 2013 yilda Chexiya prezidenti etib saylangan. 2018 yilda u ikkinchi besh yillik muddatga qayta saylangandi.
