Foto: stroymarket.com
Davlat statistika qo‘mitasi ma'lumotlariga ko‘ra, O‘zbekistonda joriy yilning 3 oyida yirik korxonalar tomonidan 2,2 mln tonna sement ishlab chiqarilgan.
Qayd etilishicha, o‘tgan yilning mos davriga nisbatan mahsulot ishlab chiqarish hajmi 14,1 foizga oshgan.
Bu ko‘rsatkich:
- 2021 yilning yanvar oyida 559,3 ming tonna (o‘sish sur'ati 7,3 foiz);
- 2021 yilning yanvar-fevral oylarida 1,3 mln tonnani (o‘sish sur'ati 18,4 foiz) tashkil qildi.
Tsement ishlab chiqarish korxonalari tomonidan respublika miqyosida ishlab chiqarilgan mahsulotlarning jami hajmida eng yuqori ulush Navoiy viloyati (41 foiz), Toshkent viloyati (40,5 foiz) hamda Farg‘ona viloyati (9,6 foiz) hissasiga to‘g‘ri keldi.
Bundan oldin, «O‘zqurilishmateriallari» joriy yilda 11ta sement zavodi ishga tushirilishini ma'lum qilgandi.
