Milliy statistika qo‘mitasi ma’lumotlariga ko‘ra, joriy yilning birinchi yarmida O‘zbekiston tashqi savdo aylanmasi 41 mlrd dollarni tashkil etgan. Bu 2025-yilning yanvar–iyun oylariga nisbatan 2,8 mlrd dollarga yoki 7,4 foizga ko‘p.
Hisobot davrida mamlakat eksporti 15,9 mlrd dollarni tashkil qilib, o‘tgan yilning mos davriga nisbatan 8,8 foizga kamaygan. Import esa 21 foizga o‘sib, 25,1 mlrd dollarga yetgan.
Natijada O‘zbekiston tashqi savdosida 9,3 mlrd dollarlik manfiy saldo shakllangan.
Shu bilan birga, umumiy eksport kamayganiga qaramay, oltin hisobga olinmagan tovarlar eksporti sezilarli o‘sish ko‘rsatgan. Uning hajmi 8,2 mlrd dollarga yetib, bir yilda 28,7 foizga oshgan.
Statistikaga ko‘ra, yanvar–iyun oylarida eksport tarkibida tovarlar ulushi 60,9 foizni tashkil etgan. Jumladan, sanoat tovarlari 15,2 foiz, turli tayyor mahsulotlar 8,6 foiz, oziq-ovqat mahsulotlari va tirik hayvonlar 8,3 foiz, kimyoviy moddalar va shunga o‘xshash mahsulotlar 8,1 foiz ulushga ega bo‘lgan.
