Farg‘ona viloyatida parrandachilik rivojlantiriladi

2021 yilda Farg‘ona viloyatida parrandachilik yo‘nalishida 116 mlrd so‘mlik 25 ta loyiha ishga tushiriladi. Bu haqda Vazirlar Mahkamasining 2021 yil 11 martdagi 43-son bayonida chora-tadbirlar belgilangan.

Hukumat tomonidan tasdiqlangan tadbirlar dasturiga ko‘ra, 2021 yilda go‘sht, sut, tuxum va baliq mahsulotlari ishlab chiqarish hajmlarini oshirish maqsadida respublika bo‘yicha chorvachilik yo‘nalishida qiymati 7 trln 245 mlrd so‘mlik 1 828 ta loyiha tijorat banklari tomonidan moliyalashtiriladi. 

• Qoramolchilik yo‘nalishida 4 trln 567 mlrd so‘mlik 1 057 ta;
• Parrandachilikda 1 trln 95 mlrd so‘mlik 277 ta;
• Baliqchilik tarmog‘ida 1 trln 224 mlrd so‘mlik 317 ta;
• Asalarichilikda 41,2 mlrd so‘mlik 122 ta;
• Quyonchilikda 317,5 mlrd so‘mlik 56 ta loyiha ishga tushiriladi.

Jumladan, parrandachilik yo‘nalishida Samarqand viloyatida 185,5 mlrd so‘mlik 27 ta, Farg‘ona viloyatida 116 mlrd so‘mlik 25 ta loyiha amalga oshiriladi.