Qoʻshimcha funksionallar
-
Tungi ko‘rinish
Senat Andijondagi deputatlarning murojaati yuzasidan munosabat bildirdi
Ijtimoiy tarmoqlarda xalq deputatlari Andijon shahar Kengashining o‘ndan ortiq deputatlari tomonidan murojaaat yo‘llanib, unda 2021 yil 17 may kuni bo‘lib o‘tgan sessiyada deputat Shuhrat Karimovni daxlsizlik huquqidan mahrum qilish to‘g‘risida qabul qilingan qaror noqonuniyligi bildirilgan.
«Avvalroq mazkur holat Senatning Mahalliy hokimiyat vakillik organlari faoliyatiga ko‘maklashuvchi komissiyasi (Maxsus komissiya) tomonidan nazoratga olinib, o‘rganish ishlari olib borilayotganligi bo‘yicha xabar berilgan edi.
Ta'kidlash joizki, ijtimoiy tarmoqlarda e'lon qilingan har bir masala puxta va sinchkovlik bilan qonunchilikka tayangan holda o‘rganish talab etiladi. Shu bois, masalaga huquqiy yechim topish va adolatli qaror chiqarish maqsadida ayni paytda Maxsus komissiya tomonidan o‘rganish ishlari davom ettirilmoqda.
Tez kunlarda ushbu o‘rganish natijalari yuzasidan jamoatchilikka batafsil ma'lumot beriladi.
Murojaatda keltirib o‘tilgan vajlar o‘z tasdig‘ini topgan taqdirda, qonunchilikka zid ravishda qabul qilingan qaror Senat tomonidan o‘rnatilgan tartibda bekor qilinishi ta'minlanadi», deyiladi Oliy Majlis Senati axborot xizmati xabarida.
Eslatib o‘tamiz, Xalq deputatlari Andijon shahar kengashi deputatlari prezidentga videomurojaat yo‘llashgan, unda mahalliy kengash mas'ullari tomonidan o‘zlariga o‘tkazilayotgan bosim va tazyiqlar hamda kengashning qonun va qonunosti hujjatlarga zid ravishda chiqarilayotgan qarorlaridan norozi ekanligini bildirgan edi.
Mavzuga oid
22:45 / 19.11.2024
Madaniy meros agentligi Andijondagi Bobur haykalini ko‘chirish bo‘yicha tarqalgan xabarlarga munosabat bildirdi
10:40 / 19.11.2024
Andijonda Bobur haykalini ko‘chirib, o‘rniga savdo majmuasi, ko‘ngilochar markazlar qurish rejalashtirilmoqda
21:10 / 18.11.2024
Andijonda 1800 gektar yerning toifasi o‘zgartirilib, ishlab chiqarish majmualari quriladi
11:09 / 08.11.2024