Biznes-ombudsman maʼlumotiga koʻra, uchrashuvlar prezidentning tadbirkorlar bilan muloqoti hamda hukumat yigʻilishida koʻtarilgan masalalarning davomi sifatida oʻtkazilgan.
Jumladan, Xoʻjaobod tumanidagi Nil-granit MCHJ faoliyati koʻzdan kechirilgan. 30 yillik tajribaga ega korxona SAMO brendi ostida toʻqimachilik va trikotaj mahsulotlari ishlab chiqaradi.
Korxonada 1 548 nafar xodim mehnat qilmoqda. Uning yillik aylanmasi 300 milliard soʻmni, eksport hajmi esa 30 million dollardan ortiqni tashkil etadi.
Prezident ham Andijon viloyatiga tashrifi doirasida yirik loyihalar taqdimoti va ishlab chiqarish korxonalari faoliyati bilan tanishgan.
