Бугун, 1 июнь куни Бош прокурор Ниғматилла Йўлдошев, Олий суд раиси Козимжон Комилов ва Адлия вазири Русланбек Давлетов Термиз давлат университетининг  ҳуқуқшунослик йўналишида таълим олаётган талабалари билан учрашишди.

Тадбирда Бош прокурор Ўзбекистон прокуратураси органлари тарихи, тизими ва ходимларни хизматга қабул қилиш тартиб-таомиллари, прокурор ваколат муддатлари, Департамент ва МИБ фаолияти билан боғлиқ саволларга батафсил жавоб бериб, ёшларнинг таклифларини тинглади. 

Очиқ мулоқот тарзида ўтган суҳбат давомида Бош прокурор бўлажак ҳуқуқшуносларни мукаммал билим олишга ва ҳар доим адолатли бўлишга чорлади.