08:17 / 07.06.2021
548
80 миллион сўмлик кондиционер ва чангюткичларнинг ноқонуний айланмасига чек қўйилди

Қувасой шаҳрида ҳужжати бўлмаган 80 миллион сўмлик 22 дона кондиционер ва 5 дона чангюткич маиший техника товарлари қўлга тушди. Бу ҳақда вилоят Божхона қўмитаси ахборот хизмати Kun.uz’га хабар бермоқда.

Маълум қилинишича, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан ўтказилган тезкор тадбир давомида “Найман-Харамкўл” йўналишида ҳаракатланаётган фуқаро Н.З. бошқарувидаги “Портер” автомашина кузатувга олинган. 

Автомашина Қувасой шаҳри ҳудудида тўхтатилиб текширилганда, юкхонасида муқаддам божхона назоратини четлаб олиб кирилган, хорижда ишлаб чиқарилган ва божхона расмийлаштирувидан ўтганини тасдиқловчи ҳужжатлари бўлмаган, умумий қиймати 80 миллион сўмлик 22 дона кондиционер ва 5 дона чангюткич маиший техника товарлари борлиги аниқланган.

Мазкур ҳолат юзасидан божхона органлари томонидан суриштирув ҳаракатлари олиб борилмоқда.

Аввалроқ, Фарғона туманида ҳужжатсиз бўлган 12 790 қути тамаки маҳсулотлари тўхтатиб қолингани ҳақида хабар берилган эди.

Top