«Kuper himoya qilgan futbolçilar unga ortdan piçoq urişdi» - San'at Şaripov Abramovni kim çaqirgani, Ravşan Ermatov va özbek futbolidagi muammolar haqida

«Maşğulot ötkazişga maydoni, yaşaşga bazasi yöq «yetim» milliy jamoa bilan JÇga çiqişni öylayapmiz»

ÖFA sobiq xodimi Özbekiston milliy jamoasi jahon çempionatiga çiqişga loyiq emasligi haqida gapirdi.

- Klublarimizni xususiylaştiriş? Hozirgi vaziyatda buning imkoni yöq. Bölsa ham, majburiy yöl bilan amalga oşiriladi. Homiylar yöq. Çunki Özbekiston çempionati qiziqmas. Klublarga pul tikib, foyda oliş qiyin.

Homiylarni qiziqtiriş uçun futbolimiz qiziq va sifatli bölişi, kelişilgan öyinlar bölmasligi, löttiboz hakamlarni yöqotiş kerak. «Yana bir marta xato qilsang, jazolayman» deb keçiravermaslik kerak. Bir-ikki hakam va murabbiylarni çetlatdik, töğri. Lekin 5 yilga çetlatilgan murabbiy 2 yil ötmay qaytib kelyapti. Qonunlarimiz işlamagandan keyin qanday qilib klublarni xususiylaştiriş haqida gapiriş mumkin?

Kelişilgan öyinlar, hokimlarning futbolga aralaşuvi, notöğri pul sarflanişi bilan qayergaça bora olamiz? Kördik-ku, hatto «Paxtakor» şunça resurs bilan OÇL çorakfinaliga bora oldi, xolos. Abramov qança pul sarfladi, Superligani töxtatib xohlagan joyida yiğinlar ötkazdi. Heç qaysi mamlakatda çempionatni oylab töxtatib, milliy jamoa yiğinlar ötkazganini bilmayman. Safarlarga şunça xarajat qilgandan, 1-2ta maydon yoki milliy jamoaga baza qursa bölardi-ku. Maşğulot ötkazişga maydoni yöq, yaşaşga joyi yöq «yetim» milliy jamoa bilan jahon çempionatiga çiqişni öylayapmiz.

«Nomga qarab lavozim beramiz. Boşqa biror davlatda işlab turgan hakamni rahbarlikka tayinlaşganini eşitmaganman»

Özbekiston futbol assotsiatsiyasi sobiq xodimi jahon çempionatiga çiqa olmaganimizdan söng ÖFA rahbariyati iste'fo bermaganidan hayronligini aytdi.

- Abramov bilan jahon çempionatiga çiqa olmaganimiz yangilik emas. Lekin alamlisi, heç qaçon bu bosqiçda qolib ketmagandik. 2 yil içida natija qayd etilmadi, jahon çempionatiga çiqa olmadik. Yakunda ÖFA kongressidan söng faqat Abramov va Haydarov işdan ketişdi. Nega Ermatov va uning guruhi iste'fo bermadi?

Ravşan Ermatov — yaxşi hakam. Bu borada köplab yutuqlarga erişgan. Ammo heç qaysi davlatda hakamni birdaniga rahbar qilib qöyişganini eşitmaganman va körmaganman. Nimaga qarab bunday qaror çiqarişadi, hayronman.

Futbolga aloqador odamlar işlaşi kerak, deb aytişadi. Lekin umrida kitob öqimagan sobiq futbolçilarga qanday qilib lavozim beriş mumkin? Bizda faoliyatini yakunlagan yulduz öyinçilarni yoşlar jamoasi yoki milliy jamoaga murabbiy etib tayinlaşadi. Heç qaysi davlatda bunçalik tez kötarilib bölmaydi. Nomga qarab lavozim beradigan bölib qolganmiz. Xorijda hatto jahon çempioni bölgan futbolçilarga ham «Kel, federatsiyada işlaysan. Kel, milliy jamoani boşqarasan», degan taklif bilan çiqişmaydi.

«Kuperni ketkizişga majbur qilişdi». Kuper örniga Abramovni çaqiriş rejasi kim va qaçon tuzilgan?

San'at Şaripov Özbekiston milliy jamoasi yetakçilarining Ektor Kuper bilan munosabati haqida ham fikrlarini bildirdi.

- Kuperning ketkizilgani haqida uzoq öyladim. Aytaylik, özimizni qaysidir futbolçilar uning boşqaruvida erkin yura olmagani uçun ham Kuperni ketkizişga majbur qilişdi. Çunki özimizni yetakçi bölgan qariya öyinçilarimiz Kuper davrida erkin, bemalol böla olmadi. Sababi boşqa murabbiylar bölganida ularga erkinlik berardi-da! Masalan, yiğinlar payti xohlasa barça qatori mehmonxonada yotardi, xohlasa uyiga qaytardi, istasa nonuştaga çiqar, istamasa tuşmasdi. Kuper uçun esa avtoritet degan narsa yöq edi. Kim bölişingdan qat'i nazar eng avvalo intizom – rejaga amal qiliş edi. Ovqat yeysanmi-yemaysanmi jamoa bilan birga oşxonaga tuşasan. Keyin esa şunaqa voqealar böldiki, kimligini aytmayman, «men uyga ketsam maylimi, örtoğimning tuğilgan kuni bor edi...» deyişardi. Oxir-oqibat Kuper aytdiki, «bu futbolçilarning xayoli milliy jamoada emas-ku, ularga nega bunaqa erkinlik berib qöyilgan? Ularga pul berayotgan bölsanglar, mamlakat milliy jamoasi şa'nini himoya qilayotgan bölsa, nega bunday munosabat?» derdi.

Şu bois Kuperning qattiqqölligi yetakçi futbolçilarimizga yoqmadi va bundan tezroq qutuliş ilinjida ssenariy Falastin bilan öyindagi «öyin»larga va boşqa voqealarga ulanib ketdi.

Aziz Haydarovni Kuper tomonidan 2019 yilgi Osiyo kubogiga boradigan tarkibga olinmagani ham, ÖFAda özgarişlar bölib ketgaç Haydarovni federatsiyada iş boşlab, milliy jamoa boşqaruvida Kuper örniga özi yaxşi körgan, hurmat qilgan Abramovni olib keliş rejasi tuzilişi öşa paytlardan boşlangan, degan fikrdan uzoq emasman.

«Kapadze va Berdiyev? Milliy jamoani yangi darajaga kötara oladigan mahalliy murabbiylarimiz yöq»

ÖFA sobiq xodimi Özbekistonda milliy jamoani yangi darajaga kötara oladigan murabbiylar yöqligi haqida gapirdi.

- Köpçilik muxlislar Temur Kapadze va Röziqul Berdiyevning Özbekiston çempionatidagi natijasidan kelib çiqib, ularni milliy jamoani boşqarişga munosib deyişadi. Ammo özimizda Özbekiston milliy jamoasini yangi darajaga olib çiqa oladigan mahalliy murabbiylar yöq. Töğri, Berdiyev yaxşi murabbiy, ammo negadir «Nasaf» natijalari faqat şu mutaxassis bilan boğlanadi. Nega? Axir, «Nasaf»da butun boşli sistema bir xil işlaydi. U yerda akademiya direktori bor, yoş öyinçilar xuddi inkubatordan çiqqandek ösib kelyapti. Nima bu işlarning hammasini Röziqul Berdiyev qilyaptimi?

U «Nasaf» tizimiga mos keladigan murabbiy. Murabbiy zörligini isbotlaş uçun marhamat, boşqa klubga ötib işlab körsin. Boşqa şaroitlarda işlasin. Biz köraylik, öşandan keyin haqiqatan ham bu odam kuçli mutaxassis ekan deb milliy jamoani işoniş mumkin. Berdiyev yaxşi mutaxassis, bunga gap bölişi mumkin emas, ammo «Nasaf»da faqat u emas, butun tizim yaxşi işlaydi. Aytaylik, uning örniga Uluğbek Baqoyevni ham öşa klubga çaqirsangiz qölidagi masalliqdan foydalanib, deyarli şunaqa öyin körsatib berişini bemalol ayta olaman. Çunki Qarşida tizim işlayapti.

Xuddi şu gapni Temur Kapadze haqida ayta olaman. U ham boşqa klublarga ötib, turli şaroitlarda işlab körsin. Salohiyatini töliq körsatişsin, biror joyga borib murabbiylik malakasini oşirişsin. Ular kimdan örganadi? Televizor qarşisida ötirib, taktika örganiş iş emas. Yevropaga borib, töliq amaliyot ötaş kerak, murabbiylar bilan suhbatlaşiş lozim.

Mavzudan taşqari bölsa-da aytay, ÖFAdagi faoliyatim davomida marketing böyiça klublar mutaxassislarini iş örganiş, malaka oşiriş uçun Yaponiyaga olib bordik. Hammasi qorin qöygan yoşi katta odamlar. Xorijdagi stadionlarga biror narsani örganiş emas, sayohat, rasmga tuşiş uçun borib kelişdi. Öşa borib kelganlardan hozirgaça birortasining futbolga foydasi tekkani yöq. Borib kelgaç, xuddi «paxta plani bajarildi» degandek xabar berildi. Hammasi xöjakörsinga bölgandek edi. Şunaqa işlar uçun ham futbolimiz rivojlanmaydi, - deydi San'at Şaripov Tribuna.uz’dagi suhbatda.