Afg‘oniston hukumati matbuot markazi rahbari o‘ldirildi

Afg‘oniston hukumati matbuot markazi rahbari va mamlakat prezidentining sobiq matbuot kotibi Davo Xon Minapal o‘ldirildi. Bu haqda o‘z manbalariga tayanib Tolo telekanali xabar berdi.

Associated Press agentligi ma'lumotiga ko‘ra, Minapalga qilingan hujum uchun javobgarlikni "Tolibon" harakati o‘z zimmasiga olgan.

Toliblar vakili Minapal "qilmishiga yarasha jazosini olgan"ini aytgan.

Afg‘oniston hukumati bu voqea borasida hozircha izoh bermadi.