Putin «Tolibon»ni tan olishga shoshilmaslikka chaqirdi

Rossiya prezidenti Vladimir Putin toliblar bilan hamkorlik qilish kerak, ammo ularni tan olishga shoshmaslik lozim deb hisoblaydi.

«Hozircha toliblarni rasman tan olishga shoshilmaslik kerak. Ular bilan hamkorlik qilish kerakligini tushunamiz, ammo e'tirof etishga shoshilmaslik lozim»,— dedi u MDH mamlakatlari rahbarlari sammitida.

Rossiya prezidenti shuningdek, Afg‘oniston hali ham dunyodagi eng yirik afyun yetkazib beruvchi mamlakat ekanligini va toliblarga giyohvandlik moddalari ishlab chiqarishga qarshi kurashish qiyin bo‘lishini aytdi.

«Afg‘oniston dunyodagi eng yirik afyun yetkazib beruvchi mamlakat bo‘lib qolmoqda. Giyohvandlik moddalari ishlab chiqarishga qarshi kurashishga va'da berganiga qaramasdan, aslida toliblar buni xohlashadimi-yo‘qmi, bilmayman. Avvalgi safar ular hokimiyat tepasida bo‘lganida buni muvaffaqiyatli uddalashgandi. Ammo bugun bunday daromad manbaidan voz kechish oson bo‘lmaydi, ayniqsa iqtisodiyotdagi inqirozli vaziyat sharoitida»,— dedi Putin.