Samarqandda hovlisida kushxona ochib hayvonlar qonini ariqqa oqizgan shaxsga chora ko‘rildi

Ijtimoiy tarmoqlarda Samarqand viloyati Past Darg‘om tumanidagi ariqda har kuni ichak va qon oqizilayotgani haqida xabarlar tarqaldi. Viloyat Ekologiya va atrof-muhitni muhofaza qilish boshqarmasi axborot xizmati xabar yuzasidan munosabat bildirdi.

Foto: Samarqand viloyati Ekologiya va atrof-muhitni muhofaza qilish boshqarmasi

Munosabatda ma'lum qilinishicha, 2021 yil 5 noyabr kuni Past Darg‘om tumani Ekologiya va atrof-muhitni muhofaza qilish bo‘yicha nazorat inspeksiyasi hamda mutassaddi tashkilotlar vakillari ishtirokida holat o‘rganilgan.

O‘rganish jarayonida Past Darg‘om tumani Sanchiqul mahallasida yashovchi fuqaro D.Yu. o‘z xonadonida noqonuniy kushxona ochgani va hayvonlar chiqindilarini va qonini belgilanmagan joyga tashlagani aniqlangan.

Qayd etilishicha, mazkur holat yuzasidan fuqaro D.Yu.ga nisbatan Ma'muriy javobgarlik to‘g‘risidagi kodeksning tegishli moddalariga binoan ma'muriy bayonnomalar rasmiylashtirilgan. Shuningdek, uning noqonuniy faoliyatga esa chek qo‘yilib, bu kabi holat takrorlanmasligi yuzasidan fuqaroga ogohlantirish berilgan.

Samarqanddagi anhorga binafsha rang suvni oqizayotgan korxona ma'lum bo‘ldi

Samarqanddagi anhorda ko‘k rangli suv oqmoqda

#Samarqand #kushxona