«Barselona» sobiq himoyachisi Dani Alves bilan shartnoma imzolaganini e'lon qildi.
38 yoshli braziliyalik bilan tuzilgan kelishuv mavsum so‘ngigacha mo‘ljallangan. U mashg‘ulotlarga kelasi haftadan qo‘shiladi, ammo yanvargacha o‘ynay olmaydi.
Himoyachining so‘nggi klubi «San Paulu» edi. U klubning qarzdorligi tufayli sentabr oyida jamoani tark etgan va erkin agentga aylangandi.
Eslatib o‘tamiz, Alves 2008 yildan 2016 yilgacha «Barsa»da o‘ynagan va jamoa bilan 23ta sovrinni qo‘lga kiritgan.